Tau Hus

Wat is ein "Tau-Hus"?
Üm up disse Frach Antwurt tau gäben,
bruckt man woll dat halwe Läben.
Ob dor, wo du geburn büst
orrer dor, wo du grad up`n Fautborrn sitzt?
Is dien "Tau Hus" dei Strat, wo du as Kind oft wäst
orrer dei Husdör, wo du grad`n Stück Brot kräg`n hest?
Viellicht is`t oewer ok dei Kammer, dei du deilst mit`n Fründ, viellicht ok dat Heim, wo Kinner ahn Murrer und Varrer sünd. Tau Hus kann ok sin dei Barch und de Küst,
dat Dörp und dei Stadt, wo du upwussen büst.
Köffst du ein Hus orrer ne Wahnung, denn mößt du bedenken, einmol kümmt dei Dach, denn mößt du`t verschenken. Tau Hus is tau Hus und hett soväl Gesichter, un dusende Minschen hebben sowat nie hatt, oft nicks antautrecken und selten satt. Tau Hus gifft uns Rauh, Gewissheit und Fräd`n, doch tau oft noch haust dat Elend gliek dornäb`n.

Lat alle Daach dei Sünn
un af und tau mal annern Minschen rin,
denn hett dien tau Hus ierst recht ein`n Sinn.

(H. Gienke, 14.03. 1999)